GitHub Copilot waa Artificial Intelligence kaa caawinaya koodh(code) qorista.
Waa aalad(extension) lagu soo darsado Visual Studio Code, marka aad code qoreyso waxuu kuu soo jeedinayaa ama kuu dhameystirayaa koodhka aad qoreyso, asagoo ku saleynaya waxa aad markaas qorayso ama projectiga aad dhiseyso, waqtiga ayuuna kuu keydinayaa.
GitHub Copilot wuxuu la mid yahay sidi qof caadi oo ku ag jooga markaad koodh qorayso, waxuu kuu soo jeedinayaa talooyin ama waxuu kuu qorayaa koodhka aad isticmaalayso. Tusaale ahaan:
Haddii aad rabto inaad qorto shaqo (function) oo wax gaar ah qabanaya, Copilot wuu ku fahmi karaa wuxuuna kuu soo bandhigaayaa koodh diyaar ah.
Haddii aad code ka si khalad ah u qorto, waxuu islamarkiiba kaa caawin karaa sidii aad u sixi lahayd. Waxuu yareynayaa waqtigi badnaa ee kaaga bixi lahaa marki uu qalad ku qabsado in aad ku saxdo.
Waxuu aad u anfacayaa dadka ku cusub programming-ka, sababtoo ah waxay u fududeynaysaa inay wax badan ka bartaan, waqtigana wuu kuu keydinayaa.
Sido kale waa muhiim inaad fahanto koodhka uu ku siinayo GitHub Copilot, halki aad marwalba asaga ku tiirsanaan lahayd.
Sidaan ayaad u isticmaali kartaa GitHub Copilot:
1. Soo fur Visual Studio Code.
2. Tag qaybta Extensions ee ku taal dhinaca bidix ee shaashadda.
3. Ka dhex raadi/Qor GitHub Copilot.
4. Kadibna Install dheh si uu kugu soo dago GitHub Copilot.
Marka aad soo install gareyso ama aad soo dajiso kadib waxaad u baahan tahay in aad GitHub Account kaaga ku xirto Copilot.